Ultimate magazine theme for WordPress.

كاشفًا العديد من المفاجآت.. محامي الشهداء «يٌعري» موقف حسام عاشور وينتصر للخطيب

0 1

كشف المحامي الشهير محمد محمد رشوان الملقب بـ «محامي الشهداء” العديد من المفاجآت حول موقف حسام عاشور الأخير واتهامه لمجلس إدارة النادي الأهلي بتعمد تعطيل مباراة اعتزاله.

وكان حسام عاشور قد نشر فيديو دام لعدة دقائق أكد فيه أنه وافق على مضض على قرار الاعتزال نزولًا على رغبة النادي، وانه في المقابل وجد مماطلة وتهرب من قبل إدارة النادي وعلى رأسها محمود الخطيب رئيس النادي من الوفاء بالتزاماتهم تجاهه بعد الاتفاق على كافة التفاصيل مع تركي آل الشيخ الرئيس الشرفي للنادي الذي اعلن تكفله بمهرجان اعتزاله برعاية النادي، بحجة ان رئيس النادي كان مشغولًا بمرض حفيده.

ودون محمد محمد رشوان عبر حسابه الشخصي على موقع التواصل الاجتماعي “فيس بوك” قائلًا: ” طيب بعد ما حسام عاشور حكي القصه كلها ماعدا جزئيه انه خد ٢٤ مليون جنيه ترضيه.. وان الموضوع كله انه مش قادر يستنى ٤ ساعات من الساعه ٨ ل ١٢ بليل.. مع انه عرف من جمال جبر أن حفيد الكابتن محمود الخطيب في المستشفى.. تخيل حفيد الراجل في المستشفى وهو مشغول معاه وفي منطقه بعيده جدا وف اجازه عيد وانت مش قادر تستنى ٤ ساعات على نزول الخبر الرسمي على صفحه النادي.. مع ان مفيش كوره ومفيش طيران قبل ٦/١٥ ومفيش ماتش قبل ٧/١٠. وانت عارف كل ده.. وعمال تتصل بمحمد العاصي وتتصل بجمال جبر.. ومعلوماتي أن جمال جبر قالك ازاي اتصل بالراجل وهو مع حفيده في المستشفى.. طبعا اداره النادي كده اتاخرت اه اتاخرت ٤ ساعات بحالهم ودي حاجه لا يمكن يتسكت عليها.. تقوم تولع الدنيا وتعيط.. ويقوم المستشار ترك يغلط في النادي وإداره النادي والدنيا تولع عشان عيل صغير مش عارف يستنى على بعضه ٤ ساعات.. يعني لو استنيت لبعد العيد هيجيلك شلل يعني.. ما انت قايل بعضمه لسانك كل حاجه خلصت والعميد محمد مرجان مسلمك جواب موافقه النادي بايده.. والناس موافقين وكله تمام.. اسفوخس على دي عيال صغيره ملوله معندهاش بجنيه صبر وحكمه ولا دراسه موقف لا وطالع تقول مليش دعوه انا عاوز الماتش .. اعتقد بعد ما اتكشفت كل حاجه مفيش ما يدين اداره الاهلي في شيء مش دفاعا عنهم. لكن دي الحقيقه.. برضه تصريحات حسام عاشور والفيديو بتاعه لن يغير شيء ولن يتراجع الاهلي عن قراره.. سبق السيف العزل.. وعلى رأي هشام عشماوي.. معدش ينفع خلاص..

ربنا يعينك يا بيبو على ما بلاك.. الناس مستنيه منك قرار يريحنا من الوش ده.

Leave A Reply

Your email address will not be published.