Ultimate magazine theme for WordPress.

بالصورة.. رد قوي من عضو مجلس إدارة الأهلي على تركي آل الشيخ

0 25

لم ينتظر محمد سراج الدين عضو مجلس إدارة النادي الأهلي طويلًا، للرد على تركي آل الشيخ رئيس الهيئة العامة للترفيه في المملكة العربية السعودية، والرئيس الشرفي للقلعة الحمراء بعد هجومه الأخير على المجلس الأحمر.

وكان تركي آل الشيخ قد عاود هجومه على مجلس إدارة النادي الأهلي في تغريدة جديدة نشرها في الساعات الأولى من صباح الأمس عبر حسابه الشخصي على فيس بوك قال فيها: “إذا كان القرار بيد ادارة مش عاوزه مصلحة النادي وبيعطلو اي اي حاجه تصب في مصلحة النادي … وصبرت عليها كتير بس واضح انهم مش حيتغيرو في حاجه … الحمدالله عندي نادي في أوروبا ! والباب الي يجيلك منه الريح سده واستريح … لغاية مايجي رجال يقدرو الرجال!”.

ودون سراج الدين عبر حسابه الشخصي على “فيس بوك” قائلًا: ” بعيد عن الكورونا ربنا يحفظنا ويسلمنا منها جميعاً في فيروس عجوز موجود من زمان في قطاع الرياضة في مصر وفي فيروس تاني عيل لسه مستجد من الخارج الفيروسات دي بتنشر فتن وقرف ومشاكل طول الوقت في الرياضة وبين الناس وبين بعض وبين أكبر جمهورين في مصر اللي انا واحد مرضاش باحداث اي نوع من أنواع الفتنة بينهم بأي شكل من الأشكال احنا في النهاية ولاد بلد واحدة نختلف اه نهزر مع بعض اه لكن تطاول وأذى ده منبوذ ومرفوض بالنسبالي من الجانبيين..المشكلة ان الفيروسات دي مختلفة عن الكورونا في حاجة وهي ان لها علاج بس العلاج لازم يجي من الدولة ويكون جذري الدولة اللي انا بحترمها وبقدرها عشان محدش يزايد عليا انا ابن مؤتمر الشباب ودايماً بكون فخور بده وظهوري الأول هناك في ٢٠١٦ وعرضي لأفكاري كان دفعة ونقلة ليا في أمور تانية كتير مؤتمر شباب مصر اللي كله طموح وتفاؤل وفكر ونقاء مش أجواء عشوائية وفتن وبلطجة تعوق الواحد عن أهدافه وطموحه الحقيقي لرفعة بلده وناديه المفضل اتمني يكون في مستمع لأن فاض الكيل…اللهم بلغت اللهم فاشهد”.

وتشهد حاليًا علاقة تركي آل الشيخ مع مجلس إدارة النادي الأهلي حالة من التوتر، حيث تقدم الأول باستقالة أكد انه نهائية من رئاسة النادي الأهلي، إلا ان المجلس الأحمر عاد وأكد انه رئيس النادي تواصل مع المسئول السعودي للأطمئنان على صحته واصفًا بأنه الرئيسي الشرفي للنادي وهو ما قابله الأول بترحاب شديد.

Leave A Reply

Your email address will not be published.